Staying in Canberra

hallo zaeme!

mir si gester am morge am 5i guet in Sydney glandet. D'koffere alli wider uebercho, dure Zoll u de vomene Kolleg vor Sabine ( dr Chrigu vo Buere) abgholt worde. dr chrigu isch nach canberra usgwanderet, das oepe vor 6 jahr (mit 20 Jahr!). Nun het aer e eigeti Joinery (Schreinerei) hie und e wohnig, wo mir zur zyt doerfe wohne. geschter abe simer scho mau ganz canberra ga unsicher mache, bis mir de huet am morge frueh mued aber in guter stimmig is bett gange si. geschter abe si mir mit de schwyzer ga Griechisch aesse. isch mega cool gsi. bereits viu neui luet hei mir kenne glernt. nun, huet goe mir nach Down Town (id stadt), mau ga luege, was me da so alles erlaebe cha. wird sicher spannend. mir si uebrigens no bis am maendig abe hie, naer fluege mir denn uf Perth wo mir mit uesem gmietete outo d'waelt waerde erkunde.

s'waetter hie isch uebrigens wunderschoen. wenn me so use luegt, choent me meine, dass es oepe 30 grad warm isch. aber dem ist nicht so. es isch zimlich chalt u mir hei bis jetz nur gfrore... waerde warschinlich no chli warmi chleider muesse poschte....

au tier hei mir scho choenne gseh... Kanguruh, Fuechs, Chue, schaf... fasch alles hets hie. Nur waerde leider zimlich viu ueberfahre.

soseli, ig glaub d'sabine wot au nochli a PC. E gueti zyt u bis zum naechschte mau!

s'taemi

ps. merci viu mau fuer die sms woni ha becho. ha immer mega froeid, oepis vo euch zghoere!